ОЛИМИ СЕРМАҲСУЛИ ТОҶИК

Январь 31, 2011 11:50

Душанбе, 31 январ. (АМИТ «Ховар», Дилшодаи Ҷонмард). — Имрӯз дар Донишгоҳи миллии Тоҷикистон бахшида ба 80-солагии ҳаёт ва 61-солагии фаъолияти илмию омӯзгории профессор Мамадёр Мамадназарбеков конфронси илмӣ баргузор гардид. Дар конфронси мазкур оид ба инкишофи назарияи рушди устувори иқтисодӣ,  тараққиёти иқтисодиёти гузариши Тоҷикистон дар шароити ҷаҳонишавӣ, консепсияи рушди устувори иқтисодиёти миллӣ, истифодаи самараноки иқтидори захиравӣ ҳамчун омили рушди иқтисодӣ, афкори иқтисодии маърифатпарварони форсу тоҷик, асоси методологии тадқиқи рушди устувори иқтисодиёти миллӣ ва истифодаи тавсияҳои IS-LM-BP барои таъмини мувозинати иқтисодиёти кушоди Тоҷикистон дар асарҳои М. Мамадназарбеков табодули назар сурат гирифт. Мавриди зикр аст, ки М. Мамадназарбеков муаллифи 225 таълифот ва корҳои илмӣ, аз ҷумла 18 монография, рисола ва мақолаҳои илмӣ мебошад, ки ба таҳқиқи тарафҳои мухталифи илми иқтисодӣ бахшида шудаанд. Саҳми ин арбоби илм дар таҳқиқи масъалаҳои такрористеҳсоли ҷамъиятӣ, афкори иқтисодии халқи тоҷик, омодасозии китобҳои дарсӣ ва илмию методӣ низ назаррас мебошад. Дар баробари фаъолияти илмӣ прфессор М. Мамадназарбеков дар   тарбияи насли наврас ва мутахассисони баландихтисос саҳми арзанда дорад ва таҳти роҳбарии ӯ 25 рисолаи номзадӣ ҳимоя шудааст.

Январь 31, 2011 11:50

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд