ПАХШИ САРОСАРИИ ТВС ТО ҶАШНИ НАВРӮЗ — 2011

Январь 12, 2011 11:30

   Душанбе, 12 январ, (АМИТ «Ховар», Дилшодаи Ҷонмард).- Муассисаи ТВ «Сафина» айни ҳол дар ҳудуди Ҷумҳурии Тоҷикистон 79,09% тамошобин дорад. То ҷашни Наврӯз-2011 тамоми минтақаҳо бо мавҷи ТВ «Сафина» пайваст хоҳанд шуд, иброз дошт Лутфулло Давлатов, директори ТВ «Сафина» зимни нишасти матбуотӣ ба хабарнигорони ВАО.   Қайд карда шуд, ки соли 2010 идораи таҳия ва дубляжи филмҳо 60 филми бадеӣ ва мустанадро ба забони тоҷикӣ баргардонд.   Вобаста ба ҷашни 20-солагии Истиқлолияти давлатии Ҷумҳурии Тоҷикистон аҳли эҷоди Муассиса тасмим гирифтааст як силсила лоиҳаҳои навро дар соли 2011 амалӣ гардонад. Аз ҷумла, барномаҳои нави «Толори оинаҳо», «Мухлис», «Артиш», «Дар ин замона», «Зебосанам», «Ҷилваи ҳунар», «Салом, дугонаҷон», «Саҳна», «Ситораи бахт» дар ҷараёни таҳия мебошанд. Ҳамчунин ба истиқболи ин санаи фархунда силсилаи филмҳои мустанад ба навор гирифта мешавад.   «Телевизиони Сафина»дар як шабонарӯз дар ҳаҷми 18 соат ба забонҳои тоҷикӣ ва русӣ барномаҳои иттилоотӣ, фароғатӣ, омӯзишӣ ва маърифатӣ пахш мекунад ва барои амалӣ кардани сиёсати фарҳангии мамлакат ва боло бурдани сатҳи маънавии мардум , тарбияи ватандӯстӣ, хештаншиносии ҷавонон саҳми муносиб мегузорад,- иброз дошт Лутфулло Давлатов ба хабарнигорон.

Январь 12, 2011 11:30

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд