ПРЕЗИДЕНТИ ҶТ Э.РАҲМОН ЯК ҚАТОР ТАҒИРОТИ КАДРИ ВОРИД НАМУД

Душанбе, 22 январ. (НИАТ «Ховар»). – 21 январ, Президенти Ҷумҳурии Тоҷикистон Эмомалӣ Раҳмон як қатор тағйироти кадрӣ ворид намуд. Давлаталӣ Ҳотамов аз вазифаи  Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон озод гардида, Сафири Фавқулодда ва Мухтори Ҷумҳурии Тоҷикистон дар Ҷумҳурии Исломии Эрон таъин карда шуд. Ҳамдам Тағоймуродов — Сардори Хадамоти зиддиинҳисории назди Ҳукумати Ҷумҳурии Тоҷикистон; Бахтиёр Шукуров  — Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон; Талбак Салимов — Раиси Кумитаи ҳифзи муҳити зисти назди Ҳукумати Ҷумҳурии Тоҷикистон; Сафиаллоҳ Девонаев — Сардори Хадамоти муҳоҷирати назди Ҳукумати Ҷумҳурии Тоҷикистон; Амонулло Ашур аз вазифаиСардори Хадамоти зиддиинҳисории назди Ҳукумати Ҷумҳурии Тоҷикистон озод шуда, Директори Маркази ҷумҳуриявии дастгирии хусусигардонии хоҷагиҳои назди Ҳукумати Ҷумҳурии Тоҷикистон таъин гардид. Музаффар Исоқов — Директори генералии ҷамъияти  саҳомии кушодаи «Тоҷик Эйр»; Алимурод Маҳмадалиев аз вазифаи Директори генералии ҷамъияти  саҳомии кушодаи «Тоҷик Эйр» озод гардида, Сардори Идораи хоҷагии  Дастгоҳи  иҷроияи  Президенти  Ҷумҳурии Тоҷикистон таъин карда шуд. Далер Рашидбеков  — Директори Муассисаи давлатии «Маркази идораи Лоиҳаи минтақавии  таҳкими гумрук ва рушди инфраструктура»-и Хадамоти гумруки назди Ҳукумати Ҷумҳурии Тоҷикистон таъин гардид.