РӮЗНОМАИ ШАҲРӢ ҒОЛИБИ ОЗМУН
Душанбе, 11 январ.(АМИТ «Ховар», Марзия Саидова).- Рӯзномаи шаҳрии «Паёми Душанбе» ғолиби озмуни нашрияи беҳтарини «Соли 2010-соли маориф ва фарҳанги техникӣ» гардида, ба маблағи 2500 сомонӣ мукофотпулӣ қадрдонӣ шуд. Сардабири рӯзнома Мухбирҷон Кенҷаев бо нишони «Аълочии ифтихории маорифи Ҷумҳурии Тоҷикистон» ва хабарнигорони рӯзнома Ҷамоли Абдулҳай ва Нигора Азимова бо «Ифтихорномаи Вазорати маорифи Ҷумҳурии Тоҷикистон» қадр гардиданд. Зинаи дуюм ва сеюми озмунро нашрияи расмии Ҳукумати Ҷумҳурии Тоҷикистон «Ҷумҳурият» ва рӯзномаи «Ҷавонони Тоҷикистон» сазовор гардида, бо 1500 ва 1000 сомонӣ мукофотонида шуданд. Абдуҷаббор Раҳмонов вазири маорифи ҷумҳурӣ дар маросими тантанавӣ тамоми ғолибону иштирокдорони озмунро табрик намуда, ба онҳо мукофоту ифтихорномаҳои озмунро супорид. Мавриди зикр аст, ки озмуни нашрияи беҳтарин бахшида ба «Соли 2010- Соли маориф ва фарҳанги техникӣ» бо мақсади тарғибу ташвиқи дастовардҳои илму маорифи кишвар дар солҳои Истиқлолияти давлатӣ бо ташаббуси вазорати маорифи кишвар ташкил ва гузаронида шуд.
Шароит ва имконияти таҳсил дар Коллеҷи омори шаҳри Ваҳдат беҳтар карда мешавад
ИҚТИСОДИ «САБЗ». Тоҷикистон барои амалисозии он заминаи муносиб фароҳам овард
Дар вилояти Суғд ҳаҷми истеҳсоли тухм афзоиш меёбад
Имрӯз дар шаҳри Душанбе ҳаво то 34 дараҷа гарм мешавад
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
