РИВОҶИ РОБИТАҲОИ БАЙНАЛМИЛАЛӢ

   Душанбе, 18 январ. (АМИТ «Ховар», Лаззат Диловарзод).- Дар давоми соли 2010 дар асоси робитаҳои байналмилалӣ Вазорати кишоварзии ҶТ бо Вазорати кишоварзии Ҳиндустон ва Минтақаи Мухтори Синзяну Уйғури Ҷумҳурии Мардумии Чин (ҶМЧ) созишномаҳои ҳамкорӣ ба имзо расонид. Ҳамкориҳо бо Иттиҳоди Давлатҳои Мустақил, Созмони Ҳамкориҳои Шанхай, Иттиҳоди Аврупо, Туркия, Федератсияи Русия, Украина, Муғулистон, Қирғизистон ва Афғонистон дар доираи созмонҳои байналхалқиву минтақавӣ дар асоси шартномаҳои дутарафа ривоҷ дода шуд,- иброз дошт муовини вазири кишоварзӣ Сиҷовиддин Исроилов дар конфронси матбуотӣ ба хабарнигорони дохилӣ ва хориҷии кишвар.   Ҳамзамон, дар асоси барномаҳои байналмилалӣ давлатҳои аъзои Созмони Ҳамкориҳои Шанхай (ШОС) ва дигар созмонҳо барои иштироки 49 нафар мутахассисони вазорат дар конфронсҳо, вохўриҳо, семинарҳо ва курсҳои байналхалқӣ, ки дар хориҷи кишвар баргузор гардиданд, мусоидат намуданд.