РУШДИ СОҲАИ КИШОВАРЗӢ ДАР РАШТ
Душанбе, 20 январ. (АМИТ «Ховар», Дилшодаи Ҷонмард). Дар Вазорати кишоварзии Ҷумҳурии Тоҷикистон субҳи имрӯз таҳти роҳбарии вазир Қосим Қосимов ҷаласаи фаврӣ бо иштироки муовинон, роҳбарони сохторҳои вазорат, олимони соҳа ва мутахассисони мубориза бар зидди ҳашароти зараррасон баргузор гардид. Дар ҷаласа ду масъала баррасӣ гардид. Бо назардошти боришоти нисбатан ками фасли тирамоҳи соли 2010 бо фармони вазир гурӯҳи кории вазорат ташкил шуда, аз 24 январ то 1 уми феврал ҳолати тамоми киштзор, махсусан кишти ғалладонаро омӯхта мебароянд ва барои бартараф намудани камбудиҳо дар ҷояш кӯмаки илмӣ-методӣ ва машваратӣ мерасонанд. Дар асоси таҳлили амиқи онҳо вазъи воқеии киштзори ғалладонагиҳо муайян шуда, дар ҳолати зарурӣ ёрдами моддиву техникии Ҳукумати ҷумҳурӣ расонида мешавад. Дуввум- баррасии рушди соҳаи кишоварзӣ дар ноҳияи Рашт. Тибқи дастуру супоришҳои Сарвари давлат Вазорати кишоварзӣ тасмим гирифтааст, ки солҳои наздик дар ин минтақа барои афзоиши майдони кишти картошка, боғпарварӣ, моҳипарварӣ, занбӯри асалпарварӣ ва чорводорӣ корҳои мушаххас анҷом диҳад. Аз ҷумла, ба хоҷагиҳои ноҳия 200 тонна тухми картошкаи серҳосил, 15 ҳазор моҳичаҳои зотӣ, 10 трактори «Тоҷирон» кӯмак расонида шуда, бунёди боғҳои нав, таъмиру азнавкунии боғҳои кӯҳна ва ташкили мағозаи фурӯши қисмҳои эҳтиётӣ барои техникаи кишоварзӣ ба нақша гирифта шудааст. Бо ин мақсад гурӯҳи босалоҳияти корӣ бо роҳбарии вазири кишоварзӣ ташкил шуда, рӯзҳои наздик ба ноҳияи Рашт сафар мекунад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






