САДО АЗ ДУ ДАСТ АСТ
Душанбе, 24 январ. (АМИТ «Ховар», Лаззат Диловарзод).- Дар давоми соли 2010 сохторҳои Вазорати мелиоратсия ва захираҳои об бо 10 ҳазору 525 хоҷагиҳои деҳқонӣ (фермерӣ) барои таъмин намудани 518 ҳазору 684 гектар майдон бо об шартнома ба имзо расониданд. Тибқи дархости обистифодабарандагон вазорат дар ҳаҷми 4 млрд. метри кубӣ бо арзиши 79 млн. 750 ҳазор сомонӣ хоҷагиҳоро бо об таъмин намуд,- хабар доданд аз вазорати мазкур ба мухбири АМИТ «Ховар». Вазорати мазкур ўҳдадориҳои худро оид ба обрасонӣ дар назди обистифодабарандагон иҷро намуда бошад ҳам, вале аз ҷониби обистифодабарандагон, бахусус, хоҷагиҳои деҳқонӣ (фермерӣ) ҳаққи обрасонӣ ҳамагӣ ба маблағи 37 млн. 300 ҳазор сомонӣ ё ин ки 47 фоиз пардохт шудааст. Ба иттилои ҳамин манбаъ, бақияи қарзи ҳаққи хизмати обрасонӣ дар соли ҷорӣ 42,5 млн. сомонӣ ва қарзи умумӣ бо назардошти солҳои гузашта 227 млн. 300 ҳазор сомониро ташкил медиҳад. Пас, аз обистифодабарандагон пурсида мешавад, ки дар соли 2011 Вазорати мелиоратсия пойгоҳҳои обкаширо бо кадом маблағ ба кор омода созад то ҳам хоҷагиҳои деҳқонӣ бо об таъмин шаванду ҳам вазорат техникаи обрасонии худро дар ҳолати хуби корӣ нигоҳ дорад? Чунонки дар урфият мегўянд: «Садо аз ду даст бармеояд».








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






