«САФИНА»-ИНТИЗОРИ ЛАЁҚАТМАНДҲОСТ

    Душанбе, 12 январ. (АМИТ «Ховар», Дилшодаи Ҷонмард).- Яке аз самтҳои асосии фаъолияти Муассисаи давлатии «Телевизиони Сафина» ин тарғибу ташвиқи намудҳои гуногуни варзиш, таблиғи тарзи ҳаёти солим ва пешгирии паҳншавии одатҳои номатлуб миёни ҷавонон, зарари тамокукашӣ ба саломатии инсон, пешгирии бемориҳои сироятӣ, саҳнаҳои тарбиявӣ ва сӯҳбату андешаҳои олимону адибон, ҳирси пулу мол ва оқибатҳои нохуши он мебошад, гуфт зимни нишасти матбуотӣ директори ТВ «Сафина» Лутфулло Давлатов ба хабарнигорони ВАО.   Ҳамчунин зикр гардид, ки барномаҳои «Ҷасорат», «Арсагоҳ», «Вусъати майдонам орзуст» ва «Масири варзиш» дар бораи дастовардҳои варзишгарони тоҷик дар мусобиқаҳои бонуфузи байналмиллалӣ маълумот дода, пайваста дар бораи мушкилоти ҳалталаби соҳаи варзиш ҳарф мезананд.   Дар охири нишаст Лутфулло Давлатов изҳори нигаронӣ карда гуфт, ки мо барои хамкорӣ бо рӯзноманигорони лаёқатманд омодаем ва барои онҳо шароити мусоид фароҳам меоварем.