САТҲИ ҶИНОЯТ 1,2 ФОИЗ ЗИЁД ГАРДИД

   Душанбе, 19 январ. (АМИТ «Ховар», Анварбек Сиддиқов).-« Дар соли 2010 сатҳи ҷинояткорӣ дар ҷумҳурӣ 1,2 фоиз зиёд гардидааст»- гуфт вазири корҳои дохилии Ҷумҳурии Тоҷикистон Абдураҳим Қаҳҳоров дар нишасти матбуотие, ки имрӯз гузашт.    Дар соли гузашта дар кишвар 12 562 ҷиноят ба қайд гирифта шуд, ки нисбат ба соли 2009 154 ҳолат зиёд мебошад. Бештари ҷиноятҳои содиршуда дар соли сипаригардида характери иқтисодӣ доранд, қайд намуд вазири корҳои дохилии ҷумҳурӣ.   Инчунин, кормандони ВКД-и ҷумҳурӣ аз гардиши ғайри қонунии маводи нашъадор 2 тоннаву 215 килограмм нашъа ёфт ва мусодира намуданд, ки ин нишондод 59,1 фоизи миқдори умумии моддаҳои нашъаовари аз ҷониби тамоми сохторҳои қудратии мамлакат мусодирашударо ташкил медиҳад.