ШАҲРДОРӢ МУШКИЛОТИ СОКИНОНРО ОСОН ГАРДОНД

   Душанбе, 10 январ.(АМИТ «Ховар», Марзия Саидова).-Раиси шаҳри Душанбе Маҳмадсаид Убайдуллоев беш аз 20 нафар сокинони пойтахтро, ки муроҷиатҳояшон дар сатҳи муовинони раисони шаҳр ва раисони ноҳияҳо роҳи ҳалли худро наёфта буданд, 8 январ ба ҳузур пазируфт.   Тибқи иттилои котиби матбуотии Раиси шаҳри Душанбе Шавкат Саидов, мӯҳтавои муроҷиати шаҳрвандон асосан масъалаи баҳси манзили шахсӣ, дастрасӣ ба манзили истиқоматии иҷоравӣ, қитъаи замин барои сохтмони манзили истиқоматии индивидуалӣ ва кӯмакҳои молиявию маслиҳатӣ ташкил медод.   Вобаста аз салоҳиятҳои Раиси шаҳр нисбати муроҷиати шаҳрвандон тадбирҳои мушаххас андешида шуд.