СИТОДИ НАВРӮЗ СОЗМОН ЁФТ

    Душанбе, 25 январ.(АМИТ «Ховар», Марзия Саидова).-Дар пойтахт ҷиҳати дар сатҳи баланд истиқбол намудани нахустин ҷашни Наврӯзи байналмилалӣ ситоди шаҳрӣ созмон дода шуд. Ситоди мазкурро муовини аввали Раиси шаҳри Душанбе Насрулло Хайруллоев роҳбарӣ менамояд.   Бояд зикр аст, ки бо ҷаҳонӣ гардидани Наврӯз аз сӯи Созмони Милали Муттаҳид ин ҷашни қадимаи ориёинажодҳо нахустин маротиба дар пойтахти кишварамон шаҳри Душанбе дар сатҳи байналмилалӣ бо ҳузури меҳмонони баландпоя ва намояндагони кишварҳое, ки Наврӯзро ҷашн мегиранд, дар Наврӯзгоҳи Душанбе таҷлил мегардад.