«СОҲИБКОРБОНК» ҚАДАМҲОЯШРО УСТУВОР МЕКУНАД

Январь 22, 2011 10:32

   Душанбе, 22 январ. (АМИТ «Ховар», Покиза Маҳмадбекова). — Раёсати Бонки миллии Тоҷикистон (БМТ) пешниҳоди маъмурияти муваққатии ҶСК “Соҳибкорбонк”-ро, ки барои рафъ намудани камбудиҳо ва беҳтар кардани вазъи молиявии бонк таъин шуда буд, баррасӣ намуда, ба хулосае омад, ки дар тӯли фаъолияти маъмурияти муваққатӣ тамоюли назарраси устуворшавии бонк мушоҳида гардид.     Аз ҷумла, таснифи беҳтари сандуқи қарзӣ, баланд намудани сифати дороиҳо, такмили сатҳи ӯҳдадориҳо сари вақт ва пурра анҷом дода шуд, ки барои баланд бардоштани сатҳи сармояи танзимшаванда мусоидат намуданд.     Вобаста ба ин, бо Қарори Раёсати Бонки миллии Тоҷикистон аз 19 январи соли равон, таҳти №3 фаъолияти маъмурияти муваққатӣ ба итмомрасида ҳисобида шуда, ба роҳбарияти ҶСК “Соҳибкорбонк” пешниҳод карда шуд, ки барои идома додани беҳтаркунии вазъи молиявӣ, мутобиқ намудани он ба талаботҳои қонунгузорӣ ва меъёрҳои мақбули муқаррарнамудаи Бонки миллии Тоҷикистон чораҳои зарурӣ андешад.    Айни замон дида мешавад, ки роҳбарияти бонк дар ин самт қадамҳои устувор ниҳода, таҳияи нақшаҳои зарурӣ ва афзоиши сармояро ҳадафгирӣ намуда истодааст.

Январь 22, 2011 10:32

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд