СОБИҚ ВАЗИР ДАРГУЗАШТ

   Душанбе, 13 январ. (АМИТ «Ховар»).- Ходими намоёни ҷамъиятии ҷумҳурӣ Усмонқул Шокиров ҳаётро падруд гуфт. Марҳум Донишкадаи хоҷагии қишлоқи Тоҷикистонро хатм намуда, фаъолияташро аз вазифаи мутахассиси колхози «Коммунизм»-и ноҳияи Бохтар оѓоз намудааст.   Дар солҳои 80-ум дар дастгоҳи Кумитаи вилоятии Ҳизби Коммунисти Тоҷикистон, аз соли 1988 то 1992 дар вазифаи раиси соҳаи агросаноатӣ ва муовини аввали раиси Кумитаи иҷроияи вилояти Хатлон кор намудааст.   Аз моҳи сентябри соли 1999 то январи 2004 ҳамчун вазири ҳифзи муҳити зисти Ҷумҳурии Тоҷикистон фаъолият кардааст. Усмонқул Шокиров дар рушди соҳаи кишоварзӣ ва озуқаворӣ, ҳамчунин дар равнақи соҳаи иҷтимоӣ ва шуѓли аҳолии Ҷумҳурии Тоҷикистон нақши муассир гузоштааст.