СОХТМОНИ 38 МАКТАБ БО МАБЛАҒГУЗОРИИ БМИМТ
Душанбе, 14 январ. (АМИТ «Ховар», Лутфия Эшонқулова).- Бунёди миллии иҷтимоии маблағгузории Тоҷикистон (БМИМТ) доир ба фаъолияти худ дар соли 2010 дар доираи татбиқи марҳилаи 2-юми барномаи «Фондҳои ҷамоавӣ барои мусоидати рушди маълумоти асосӣ ва барқарорсозии инфрасохтори коммуналӣ» нишасти матбуотӣ доир намуд. Дар он директори иҷроияи БМИМТ Саидаҳмад Мирзоев дар бораи барномаи мазкур иттилоъ дода, қайд намуд, ки он бо мақсади беҳтар намудани шароити таълим дар мактабҳои таълимоти ибтидоӣ ва миёнаи умумӣ дар минтақаи фарогири барнома бо роҳи қисман бунёд кардани инфрасохтори васеи мактабӣ бо истифода аз сифати мувофиқ тарҳрезӣ шудааст. Тибқи иттилои С. Мирзоев барнома бояд то 30-юми апрели соли 2013 амалӣ гардад. Марҳилаи дуюми барнома 20 ноҳияро дар вилояти Хатлон дарбар мегирад. Маблағгузории давраи дуюм 13 миллиону 578 ҳазор евроро ташкил медиҳад ва дар доираи ин марҳила 38 лоиҳа пешбинӣ шудааст. Айни ҳол, БМИМТ дар ҳамкорӣ бо ҳукуматҳои маҳаллӣ, ташкилотҳои ғайриҳукуматии маҳаллӣ ва ташкилотҳои байналхалқӣ амал мекунад. Азхудкунии маблағҳо аз оғози татбиқи лоиҳа зиёда аз 30 ҳазор доллари ИМА- ро ташкил медиҳад, ки ин 93% -и нақшаи пешбинишуда мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






