СОЗИШНОМАИ ДМТ ВА ДОНИШГОҲИ КОРЕЯ

    Душанбе, 26 январ. (АМИТ «Ховар», Сангзода Муслиҳиддин).- Чанде пеш мулоқоти ректори Донишгоҳи миллии Тоҷикистон профессор Нуриддин Саидов бо профессори Донишгоҳи Кангноми Ҷумҳурии Корея, директори Пажӯҳишгоҳ оид ба омӯзиши Осиёи Марказии ҳамин Донишгоҳ Фил Ким доир гардида, зимни он созишнома оид ба мубодилаи академї ба имзо расид, ки он доираи васеи ҳамкориҳоро дар бар мегирад.     Ҳамкориҳо дар соҳаи мубодилаи иттилоот, китобу нашрияҳо, тадқиқоти муштараки илмї, равуои дуҷонибаи донишҷӯён, аспирантон, магистрҳо ва таҷрибаомӯзии устодон аз ҷумлаи ин ҳамкориҳост.    Тибқи созишномаи мазкур ҳамасола то 10 нафар донишҷӯён барои омӯзиш ба муддати як сол ба донишгоҳҳои ҳамдигар фиристода мешаванд.    Бино ба гуфти устоди ДМТ Ҳафиз Раҳмонї шояд омӯзиши таҷрибаи кореягиҳо дар мавриди алоқаи илм бо таҷриба барои мо аз ҳар ҷиҳат муфид бошад, зеро ин кишвар яке аз кишварҳои пешрафтаи дунёст.