ТАНЗИМИ ҶАШНҲОИ НОҲИЯИ ҒАФУРОВ

    Душанбе, 14 январ. (АМИТ «Ховар», Бекназари Абӯбакр). — Тибқи маълумоти оморӣ дар ноҳияи калонтарини вилояти Суғд соли сипаригашта 5 413 маърака баргузор гашт, ки аз онҳо 3 095 тӯйи арӯсӣ, 1 262 хатнасур ва боқимонда маросими мотам мебошанд. Хароҷоти умумии маъракаҳо 18983,5 ҳазор сомониро ташкил додаву он ба ҳисоби миёна ба ҳар маърака 3,5 ҳазор сомонӣ рост меояд.   Бо дастгирии мақомоти иҷроияи ноҳияи Бобоҷон Ғафуров ва соҳибкорону саховатмандон 5 тӯйи арӯсиву домодӣ ва 210 хатнасури фарзандони оилаҳои камбизоат ва серфарзанд гузаронида шуд. Ин нукта дар нишасти матбуотии мақомоти иҷроияи ҳокимияти давлатии ноҳияи Бобоҷон Ғафуров ба хабарнигорони васоити ахбори омма расонида шуд.      Дар ин бора ба АМИТ «Ховар» аз хадамоти матбуоти раиси вилояти Суғд хабар доданд.