УСТУВОРГАРДОНИИ СИСТЕМАИ МИЛЛИИ ОМОР
Душанбе, 6 январ. (АМИТ «Ховар», Покиза Маҳмадбекова). — Дар доираи татбиқи лоиҳаи «Устуворгардонии системаи миллии омор» аз моҳи март то моҳи декабри соли 2010 тадқиқоти корхонаҳои сохтмонии пудратӣ ва сохтмонҳои манзилҳои шахсӣ гузаронида шуд. Буҷаи тадқиқоти мазкур бештар аз 12 ҳазор доллари амрикоиро ташкил медиҳад. Бояд гуфт, ки тадқиқоти мазкур масъалаҳои номуназзамии нархҳои масолеҳи сохтмонӣ дар минтақаҳо, истифода бурдани қувваи кории кироя ва муайян намудани арзиши аслии биноҳои сохташавандаи аҳолиро барои ҳисоботи оморӣ ва таҳлили онро дар Системаи ҳисоботи миллӣ дарбар мегирад. Инчунин дар 180 корхонаи пудратии сохтмонӣ ва 542 хонаҳои истиқоматии шахсӣ тадқиқ гузаронида шуд. Дар натиҷа муайян гашт, ки дар корхонаҳои пудратии сохтмонӣ 9944 нафар корманд кор мекунанд. Аз онҳо 7835 нафарашон расмӣ, 847 нафар занон, 2773 нафар кормандони дорои маълумоти касбӣ ва 2109 нафар кормандони кирояи муваққатӣ ба қайд гирифта шудаанд.Барои муайян намудани индекси нархҳои масолеҳи сохтмонӣ, аз корхонаҳои пудратии сохтмонӣ оиди бо кадом нарх дастрас намудани масолеҳи сохтмонӣ барои иншооти сохташаванда маълумот ҷамъоварӣ шуд. Аз рӯи тадқиқоти гузаронидашуда маълум гашт, ки корхонаҳои пудратии сохтмонӣ дар моҳи марти соли 2010 76 намуди масолеҳи сохтмониро харид намудаанд. Нархи ҳар як масолеҳи сохтмонии аз тарафи корхонаҳои пудратии сохтмонӣ харидашуда дар рафти тадқиқот муайян гардид. Бо гузаронидани тадқиқоти мазкур кормандони Агентии омори назди Президенти Ҷумҳурии Тоҷикистон заминаи методологиро вобаста ба ҳисоб намудани индекси нархҳои масолеҳи сохтмонӣ кор карда баромаданд ва дар оянда ба нақша гирифта мешавад, ки бо назардошти имкониятҳои мавҷуда доираи воҳидҳои тадқиқшавандаро зиёд намоянд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






