ВАРЗИШ-БАХШАНДАИ НЕРӮЮ ТАВОН

   Душанбе, 19 январ. (АМИТ «Ховар», Сангзода Муслиҳиддин).- Имрӯзҳо дар ҳамаи шаҳру навоҳии ҷумҳурӣ ба соҳаи варзиш диққати ҷиддӣ дода мешавад.     Дар мактаби таҳсилоти ҳамагонии рақами 42- и ноҳияи Ваҳдат толори калони барҳаво мавҷуд мебошад, ки талабагон метавонанд дар ин толор дар вақтҳои фориғ аз дарс ба варзиш машғул шаванд. Бино ба гуфти муаллими варзиши мактаби мазкур Қамар Давлатов ҳоло дар ин толор талабагон дар ду баст ба варзиш ҷалб мешаванд. Мавсуф зикр намуд, ки талабагон бештар ба бозиҳои тенниси рӯи миз, волейбол ва шоҳмот майлу рағбат доранд.      Дар охир мавсуф зикр намуд, ки дар оянда ният дорем таҳҷизот ва миқдори бозиҳои варзиширо зиёд намоем, то ки талабагон тавонанд бештари вақти холии худро ба варзиш сарф намоянд.