ВАЗЪИ КИШТ ВА ЗАХИРАИ ТУХМИИ ЗИРОАТ ДАР СУҒД

     Душанбе, 13 январ. (АМИТ «Ховар», Бекназари Абӯбакр). — Дар корхонаҳои кишоварзӣ ва хоҷагиҳои деҳқонии вилояти Суғд то 1 январи соли 2011 85 897 гектар майдон шудгор гардид, ки аз он 26 306 гектараш майдони пахта мебошад. Дар ин бора ба мо аз хадамоти матбуоти раиси вилояти Суғд иттилоъ доданд.     Ба иттилои манбаъ дар корхонаҳои кишоварзӣ ва хоҷагиҳои деҳқонии вилоят то ин муддат дар 1 320 гектар кишти барвақтӣ гузаронида шудааст, ки аз он 1 316 гектараш пиёз, 3 гектараш сабзавот ва 1 гектараш сирпиёз мебошад.    Дар соли сипаригашта барои кишти ҳосили нав корхонаҳои кишоварзӣ ва хоҷагиҳои деҳқонии вилоят ба қадри кофӣ тухмии зироатро захира карданд, ки тухмии ғалладона ва лӯбиёгӣ – 4039,4 тонна, аз ҷумла гандум – 3095,9 тонна, ҷав – 620,6 тонна, тритикалӣ — 2,8 тонна, ҷавдор — 10,6 тонна, ҷавсар — 32,2 тонна, шолӣ – 267,3 тонна, ҷуворимакка – 90,4 тонна, лӯбиёгиҳо – 10 тонна, картошка – 5762,3 тонна, сабзавот – 1,5 тонна, полизиҳо – 95,8 ва чигит — 271,1 тонна мебошад.