ВУСЪАТИ СОХТМОНИ ИНШООТИ ИҶТИМОӢ-ФАРҲАНГӢ

Январь 18, 2011 10:24

   Душанбе, 18 январ. (АМИТ «Ховар», Бекназари Абӯбакр). – Дар давоми соли 2010 барои инкишофи соҳаҳои иҷтимоӣ дар вилояти Суғд 143004,4 ҳазор сомонӣ маблағ ё 24,1 фоизи ҳаҷми умумии сармоягузорӣ истифода шудааст.    Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар ин муддат хонаҳои истиқоматӣ ба масоҳати умумии 327273 метри мураббаъ бунёд шудаанд, ки нисбат ба ҳамин давраи соли гузашта 18,4 фоиз зиёд аст. Хонаҳои истиқоматӣ асосан аз ҳисоби маблағҳои аҳолӣ ба масоҳати 321 075 метри мураббаъ, идораи сохтмони асосии мақомоти иҷроияи ҳокимияти давлатии вилояти Суғд — хонаи иcтиқоматии 36-ҳуҷрадор ба масоҳати 3156 метри мураббаъ, дар шаҳри Панҷакент 16 хона ба масоҳати 1280 метри мураббаъ, дар ноҳияи Зафаробод 22 хона ба масоҳати 1762 метри мураббаъ сохта ба истифода супорида шуданд.    Дар соли 2010 аз ҳисоби маблағи соҳибкорони хусусӣ беморхона барои 24 кат, дармонгоҳ барои қабули 30 бемор дар як баст ва мактабҳо барои 780 ҷой, аз ҳисоби маблағи давлатӣ беморхонаи касалиҳои сил барои 20 кат, таваллудхона барои 35 кат дар ноҳияи Шаҳристон, мактабҳо барои 3 266 ҷой ва варзишгоҳ барои 25 ҳазор ҷойи нишаст дар шаҳри Хуҷанд ва аз ҳисоби маблағи ташкилотҳои хориҷӣ мактаб барои 96 ҷой бунёд шуда, мавриди истифода қарор гирифтанд.

Январь 18, 2011 10:24

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд