ЗАФАРОБОД БОҒЗОР МЕГАРДАД

  Суғд, 31 январ. (АМИТ «Ховар», Мирзоалӣ Амонов). — Зафаробод ҳарчанд  ноҳияи пахтакор ба ҳисоб равад ҳам, солҳои охир дар ин ҷо соҳаи дигари кишоварзӣ – боғу токпарварӣ низ рушд меёбад.    Кишоварзони ноҳия  дар соли 2009  — ум 273 гектар боғи меваю токзор сабз намуданд, соли 2010  миқдори майдони боғу ток  ба 450 гектар расид. Тибқи барномаи рушди боғу токпарварӣ барои солҳои 2010-2014 кишоварзон ният доранд дар 450 гектар майдони дигар боғу токзор бунёд  намоянд.    Бо назардошти иқлими ноҳия ва бо истифода аз захираю имкониятҳо дар ноҳия ниҳоли зардолу, шафтолу, олую анор ва кӯчати ангури маҳаллӣ, ки дар ноҳияи Истаравшани ҳамшафат  мерӯяду ҳосилаш ҳам зиёд аст, шинонданианд.    Ҳоло дар хоҷагиҳои ноҳия барои шинонидани ниҳолҳо ва ташкили боғоти нав ҳамаҷониба омодагӣ мегиранд.