ЗАРАРДИДАГОНИ ДОМОДЕДОВО АЗ ТОҶИКИСТОН 20 НАФАР ШУДАНД

   Душанбе, 28 январ. (АМИТ «Ховар», Лутфия Эшонқулова). – Тибқи хабарҳои охирини Хадамоти муҳоҷирати назди Ҳукумати Ҷумҳурӣ шумораи шаҳрвандони зарардидаи Тоҷикистон бар асари фоҷиаи дар фурудгоҳи Домодедовои шаҳри Маскав рухдода ба 20 нафар расид.     Тибқи иттилои манбаъ нафари 20-ум сокини ноҳияи Вахш Рашидов Турсуналӣ Тохтаевич, соли таваллудаш 1978 гардид.Аз рӯи гуфти духтурони яке аз муассисаҳои тиббии шаҳри Маскав ҳолати ӯ мӯътадил арзёбӣ мегардад.   Ёдовар мешавем, ки бар асари ин фоҷиаи террористӣ ду нафар шаҳрванди Тоҷикистон ҳалок гардиданд.   Ҷасади ин шаҳрвандон дирӯз, 27 январ бо мусоидати Хадамоти муҳоҷирати назди Ҳукумати Ҷумҳурӣ ба ватан оварда шуд.