1 МЛН. 829 ҲАЗОР СОМОНӣ СИТОНИДА ШУД

   Душанбе, 15 феврал. (АМИТ «Ховар», Лаззат Диловарзод).- Дар идораи муҳосиботи Кумитаи ҳифзи муҳити зист ба мухбири АМИТ «Ховар» иброз доштанд, ки барои вайрон кардани талаботи қонунгузорӣ дар соҳаи ҳифзи муҳити зист, стандарт ва меъёрҳои экологӣ 1286 мавод ба маблағи умумии 1 млн. 427 ҳазор сомонӣ тартиб дода шуда, ба мақомоти ҳифзи ҳуқуқ супорида шуд.   Бино ба итилои ҳамин манбаъ, дар давоми моҳҳои январ – декабри соли 2010 – ум 55 мавод ба маблағи 730 ҳазор сомонӣ ба суди иқтисодӣ, 192 мавод ба маблағи 204 ҳазор сомонӣ ба прокуратура ва 1039 мавод ба маблағи 490 ҳазор сомонӣ ба суд пешниҳод карда шудааст.    Тавассути қарору ҳалномаҳои аз ҷониби кормандони ҳифзи ҳуқуқ баровардашуда, зарари экологӣ дар соли 2010 ба маблағи 1 млн. 829 ҳазор сомонӣ рӯёнида шуд.