«ҲОМИИ ВАТАН» ДАР СУҒД

 Душанбе, 1 феврал. (АМИТ «Ховар», Бекназари Абӯбакр). — Тибқи қарори раиси вилояти Суғд Қоҳир Расулзода бо мақсади тарғиби тарзи ҳаёти солим ба муносибати фарорасии 18-умин солгарди таъсисёбии Қувваҳои Мусаллаҳи Ҷумҳурии Тоҷикистон ва 20-солагии Истиқлолияти давлатии Ҷумҳурии Тоҷикистон дар иншооти варзишии вилоят мусобиқаи ҳарбӣ — варзишии «Ҳомии Ватан» байни қисмҳои ҳарбӣ ва мақомоти ҳифзи ҳуқуқи вилоят баргузор мегардад.  Аз хадамоти матбуоти раиси вилояти Суғд ба АМИТ «Ховар» иттилоъ доданд, ки мусобиқаҳои мазкур санаи 1 феврали соли равон оғоз гардида то 21-уми феврал идома меёбанд.         Комиссариати ҳарбии вилоят, раёсати ҷавонон, варзиш ва сайёҳии вилоят ва мақомоти иҷроияи ҳокимияти давлатии шаҳри Хуҷанд ҷиҳати дар сатҳи зарурӣ доир намудани мусобиқа вазифадор гаштаанд.