ҶАРИМА БАРОИ ВАЙРОНКУНИИ ҚОНУНИ ЗАМИН

   Кӯлоб, 16 феврал. (АМИТ «Ховар», С.Холов). – Бино ба иттилои раиси Кумитаи заминсозии ноҳияи Мир Сайид Алии Ҳамадонӣ Мунаваршо Ташрипов ҳарчанд самаранок истифода бурдани замин дар ноҳия нисбат ба соли сипаригардида беҳтар гардидааст, аммо аз тарафи бархе шаҳрвандон вайронкунии қонун нисбат ба замин ҳанӯз ҳам ба чашм мерасад.    Ба гуфти Ташрипов дар 12 моҳи соли ҷорӣ дар ноҳия аз тарафи Кумита 89 ҳодисаи вайронкунии қонуни замин ошкор шуда, 68 нафар ба маблағи 22 370 сомонӣ ҷарима шуданд. Инчунин дар ин давра 4 мавод ба прокуратура ва 27 мавод ба суди ноҳия ирсол гардид.    Кормандони Кумита дар давоми ду моҳи соли ҷорӣ нисбат ба 27 нафар вайронкунандагони қонун дар мавриди барқарор намудани 75,9 гектар замин ба прокуратура мавод пешниҳод намуданд, афзуд Мунаваршо Ташрипов.