25 МИЛЛИОН ЗАРАР АЗ ОФАТИ ТАБИӢ

   Хоруғ, 10 феврал. (АМИТ «Ховар», Л.Додо ). – Тибқи иттилои сардори ситоди ҳолатҳои фавқулодда ва мудофиаи шаҳрвандии ВМКБ полковник Дӯсталӣ Худоёров соли 2010 дар вилоят 121 ҳодисаи табиӣ рух дод. Бар асари аз кӯҳ канда шудани тарма 5 нафар ҳалок ва 6 нафар маҷрӯҳ гардиданд. Дар ноҳияи Ванҷ бар асари заминларза 1283 хонаи истиқоматӣ зарар дид.   Умуман дар давоми сол аз сабаби боришот, тармаю сел, обхезию заминларза 2818 хонаи истиқоматӣ, 45 мактаб, 21 адад иншооти тандурустӣ, 31 адад иншооти фарҳангӣ зарар диданд, ки маблағи зарар беш аз 25 миллион сомониро ташкил дод.