АКАДЕМИК НӮЪМОН НЕЪМАТОВ ДАРГУЗАШТ

Февраль 15, 2011 17:24

   Душанбе, 15 феврал. (АМИТ «Ховар», Бекназари Абӯбакр). — Бостоншиноси маъруф, академики Академияи илмҳои Ҷумҳурии Тоҷикистон Нӯъмон Неъматов дар синни 84-солагӣ аз олам чашм пӯшид.  Бо номи ин олими бостоншинос ҳафриёти зиёди таърихии Тоҷикистон, бахусус шимоли кишвар алоқаманд аст.   Нӯъмон Неъматов 5 марти соли 1927 дар шаҳри Хуҷанд ба дунё омадааст. Баъди хатми Донишкадаи давлатии омӯзгории Ленинобод ӯ тақдири худро бо илми таърих ва бостоншиносӣ пайваст. Ҳанӯз соли 1969 рисолаи докторӣ ҳимоя намуд. Дар Академияи илмҳои Тоҷикистон дар вазифаҳои мухталиф адои хидмат намудааст. Роҳбарии гурӯҳи археологӣ ва экспедитсияи комплексии археологии шимоли Тоҷикистонро бар ӯҳда дошт.    Соли 1978 ба сифати узви вобаста ва соли 1994 ба ҳайси академики Академияи Улуми Ҷумҳурии Тоҷикистон пазируфта шуд.    Хизматҳои тӯлонии академик Нӯъмон Неъматов бо медалҳо, Ифтихорномаи Президиуми Шӯрои Олии Тоҷикистон, унвони Ходими Шоистаи илм қадрдонӣ шудаанд. Шаҳрванди Фахрии шаҳри Хуҷанд буд.    Аз маркази иттилоот ва таҳлилии мақомоти иҷроияи ҳокимияти шаҳри Хуҷанд ба АМИТ «Ховар» иттилоъ доданд, ки маросими видоъ ва ҳамоиши мотам имрӯз дар саҳни Қалъаи таърихии Хуҷанд барпо гардид. Нӯъмон Неъматов дар оромгоҳи «Гумбази Қошуқ»-и шаҳри Хуҷанд ба хок супорида шуд.

Февраль 15, 2011 17:24

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд