АМАЛИШАВИИ ҚОНУН «ДАР БОРАИ ҚАБУЛИ ШАҲРВАНДОН»

   Душанбе, 2 феврал. (АМИТ «Ховар», Лаззат Диловарзод).- Шӯрои адлия дар ҷаласаи навбатии кормандони соҳа ба ҳамаи идораҳои зертобеи худ супориш додааст, ки барои  амалишавии Қонун «Дар бораи қабули шаҳрвандон»   тадбирҳои таъхирнопазир андешида, дар давоми соли 2011 барои қабули шаҳрвандон имкониятҳои бештар фароҳам сохта, дар таъмини ҳамаҷонибаи ҳуқуқу озодиҳои шаҳрвандон саҳм гузоранд.   Боиси ёдоварист, ки дар давоми моҳҳои январ – декабри соли 2010 аз ҷониби роҳбарияти Шӯрои адлия рӯзҳои шанбеи ҳар ҳафта 237 нафар, аз ҷониби раисони судҳои ҷумҳури 1541 нафар, инчунин дар асоси нақшаи қабули шаҳрвандон 508 нафар корафтодагон, ки бо масъалаҳои мухталиф муроҷиат намудаанд, қабул ва шикоятҳои онҳо сари вақт  баррасӣ  гардидаанд.