БАРҚАРОРИИ ПАРВОЗҲО ДАР ХАТСАЙРИ ДУШАНБЕ-ДЕҲЛӢ

    Душанбе, 15 феврал. (АМИТ «Ховар», Мавзуна Бойева).- Парвози ҳавопаймоҳо дар хатсайри Душанбе-Деҳлӣ аз нав барқарор гардид. Парвозҳоро ширкати ҳавопаймоии «Ист Эйр» ҳафтае як маротиба рўзҳои сешанбе бо ҳавопаймои Боинг -737 анҷом медиҳад. Бино ба иттилои директори генералии ширкати ҳавопаймоии «Ист Эйр» Куимов Владимир Сергеевич парвозҳо дар хатсайри мазкур соли 2006 қатъ гардиданд.     Барқарор кардани ин хатсайр барои ҷонибҳо манфиатовар буда, дар рушди муносибатҳои минбаъдаи иқтисодӣ, иҷтимоӣ ва фарҳангии ду кишвар саҳм мегузорад.   Дар кушодашавии хатсайри Душанбе-Деҳлӣ муовини вазири нақлиёт ва коммуникатсияи ҶТ Х. Худоёров, сардори Сарраёсати авиатсияи гражданӣ Азиз Набиев ва сафири Ҷумҳурии Ҳиндустон дар ҶТ ҷаноби Аситх Кумар Бхаттачарҷи иштирок намуданд.     Дар ин бора ба мухбири АМИТ «Ховар» котиби матбуотии фурудгоҳи Душанбе Муҳаммадюсуф Шодиев иттилоъ дод.