БАРҚИЯИ Э.РАҲМОН БА К.ВУЛФ

Душанбе, 2 феврал. (АМИТ «Ховар»). — Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Федералии Олмон ҷаноби Кристиан Вулф барқияи шодбошӣ фиристод, ки дар он, аз ҷумла омадааст: Аълоҳазрат, Аз номи халқи тоҷик ва шахсан аз номи худам мехоҳам бо қаноатмандии том Шумо ва тамоми мардуми бародари олмониро бо ин ҷашни миллӣ- Рӯзи ягонагии Олмон табрик гӯям. Тоҷикистон сатҳи муносибатҳои байни ду давлатро баланд арзёбӣ намуда, барои амалӣ намудани  иқтидори бойи ҳамкориҳои манфиатбахши Тоҷикистону Олмон тамоми нерӯи худро равона менамояд. Боварӣ дорам, ки ҳамкориҳои бо кӯшиши муштарак байни Тоҷикистону Олмон ба вуҷуд омада минбаъд низ ба манфиати ҳарду ҷониб равона мегарданд. Бо истифода аз ин имконияти муносиб мехоҳам ба Шумо, ҷаноби Президент сиҳатмандии комил ва комёбиҳо, ба халқи дӯсти олмонӣ — сулҳ ва шукуфоиро таманно намоям. Дар ин бора ба АМИТ «Ховар» аз дафтари матбуоти Президенти Ҷумҳурии Тоҷикистон хабар доданд.