БЕҲТАРСОЗИИ ҲОЛАТИ ЧАРОГОҲҲО

  Хоруғ, 10 феврал. (АМИТ «Ховар», Л.Додо). – Соли 2009 Қарори Ҳукумати Ҷумҳурӣ «Дар бораи тасдиқи барномаи беҳтар намудани ҳолат ва самаранок истифода бурдани чарогоҳҳои Ҷумҳурии Тоҷикистон барои солҳои 2009 – 2015» рӯи кор омад.    Тавре аз раёсати кишоварзии вилоят иттилоъ доданд, ба хотири кофтани ҷӯйборҳо ва беҳтар намудани ҳолати мелиоративии чарогоҳҳои зимистонаи мавзеъҳои Доргинзарви водии Ҷавшангози ноҳияи Роштқалъа ва Қаратумшуқи водии Тохтамиши ноҳияи Мурғоб, инчунин чарогоҳҳои дигар Вазорати кишоварзӣ 30 ҳазор ва мақомоти маҳаллии ҳокимияти давлатии вилоят дар якҷоягӣ бо Бунёди Оғохон беш аз 10 ҳазор доллар ҷудо намуданд.