БОҒИ БЕҲАМТО ДАР ОСИЁИ МАРКАЗӢ

Февраль 15, 2011 11:04

  Душанбе, 15 феврал.(АМИТ «Ховар», Марзия Саидова).- Боғи фарҳангу фароғатии умумишаҳрӣ, ки дар остонаи 20-умин солгарди ҷашни Истиқлолияти давлатии Ҷумҳурии Тоҷикистон дар пойтахт ба истифода дода мешавад, дар миқёси кишварҳои Осиёи Марказӣ ҳамто надорад.  Масоҳати боғи мазкур, ки дар қисмати шимолу ғарби Душанбе дар маҳаллаи Буни Ҳисорак бунёд мегардад, 15 гектарро ташкил медиҳад. Алҳол дар ин иншооти бузурги ҷашнӣ беш аз 400 нафар сохтмончиён дар ду баст кор мекунанд. Пудратчии Боғи фарҳангу фароғатии умумишаҳрӣ иттиҳодияи ҷумҳуриявии «Тоҷикколхозсохтмон» ва фармоишгари он Раёсати сохтмони асосии /РСА/ шаҳри Душанбе мебошад.  Тибқи иттилои сармуҳандиси Раёсати сохтмони асосии шаҳри Душанбе Отахон Ҳасанов иншооти мазкур аз 49 зериншоот, аз ҷумла толорҳои билярду шоҳмот, шаҳрчаи афсонавӣ, аквапарки кӯдакона, ҳавзи калони дорои фаввораҳо, амфитеатр барои 1260 ҷойи нишаст, бинои маъмурию маишӣ, чорбоғ, чойхонаи Буниҳисорак, ҳаммом, майдончаи бозиҳои чархӣ, қаҳвахонаи «Дар ҷазира», кӯли манзаравӣ, ҷӯйбори сунъӣ, қаср дар об бо қубурҳои гидравликӣ, қасри афсонавӣ бо 6 фаввора, ки дар як тоаш мусиқӣ насб шудааст, иборат мебошад.  Сармуҳандиси РСА шаҳри Душанбе афзуд, ки дар боғ беш аз 30 таҷҳизоти гуногун насб мегарданд. Яке аз онҳо чархофалак аст, ки баландиаш 55 метр буда аз Италия оварда мешавад.   Бояд зикр кард, ки Боғи фарҳангу фароғатии умумишаҳрӣ бо тамоми таҷҳизот ба маблағи умумии беш аз 124 миллион сомонӣ бунёд мешавад.

Февраль 15, 2011 11:04

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд