ДАР ВОСЕЪ ТО ИСТИҚЛОЛИЯТ З5 ИНШООТ МЕСОЗАНД
Восеъ, 28 феврал.(АМИТ «Ховар», Сулаймон Холов).-Ба истиқболи ҷашни 20 – умин солгарди Истиқлолияти давлатии Ҷумҳурии Тоҷикистон дар ноҳияи Восеъ корҳои сохтмонӣ дар иншооти хурду бузурги ҷашнӣ ҷараёни тоза мегиранд. Айни замон корҳои асосии сохтмонӣ дар як қатор иншоот, аз ҷумла бинои суди ноҳия ба анҷом расида, рангубор ва кабудизоркунии атрофи онҳо идома доранд ва ин иншоот дар арафаи иди Наврўз ба истифода дода мешаванд. Ҳамчунин, корҳои сохтмонӣ дар «Чойхонаи миллӣ»-и маркази ноҳия низ анҷом ёфта, дар бинои «Содиротбонк», ки аз ҷониби Ҷамъияти дорои масъулияти маҳдуди «Бонӣ» сохта мешавад, аллакай 70 фоизи корҳои сохтмонӣ ба охир расидаанд. Дар бунёди аксар иншооти маданию маишӣ ва варзишӣ саҳми соҳибкорони маҳаллӣ назаррас аст. Бо дастгирии мақомоти маҳаллии ноҳия 25 нафар соҳибкорон ба корҳои созандагию бунёдкорӣ шурӯъ намудаанд. Чанде қабл дар ноҳия маркази дўзандагӣ ба фаъолият шурӯъ намуд, ки он аз тарафи соҳибкор Сафаралӣ Холов бунёд гардида, дар он беш аз 12 нафар бонувон ба кор ҷалб гардидаанд. Бонувони ин даргоҳ бо дўхтани куртаю тоқӣ ва дигар либосҳои миллӣ талаботи мизоҷонро қонеъ мегардонанд. Бино ба иттилои сармеъмори ноҳия то ҷашни Истиқлолияти Ҷумҳурии Тоҷикистон дар ноҳияи Восеъ беш аз 35 иншооти хурду бузург сохта шуда мавриди истифода қарор мегиранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






