ДАРГУЗАШТИ БОЗ ЯК ТОҶИК БАР АСАРИ ТАРКИШИ ДОМОДЕДОВО

Душанбе, 2 феврал. (АМИТ «Ховар», Анварбек Сиддиқов). — Шаҳрванди ҷумҳурӣ Салим Силманов (истиқоматкунандаи ноҳияи Шуғнон, соли таввалудаш 1969), ки дар таркиши рӯзи 24-уми январи соли ҷорӣ дар фурудгоҳи Домодедовои шаҳри Маскав рухдода осеб дида буд, шаби гузашта аз олам чашм пӯшид. Тавре аз Хадамоти муҳоҷирати назди Ҳукумати Ҷумҳурии Тоҷикистон ба АМИТ «Ховар» иттилоъ  доданд,  ҷасади номбурда   рӯзҳои наздик ба ватан оварда  мешавад.           Хотиррасон менамоем, ки  бар асари таркиши рӯзи 24-уми январи соли ҷорӣ дар фурудгоҳи шаҳри Маскав ба вуқӯъ пайваста ду шаҳрванди тоҷик – Ҷабборов Собир ва Ҳақназаров Мурод ба ҳалокат расида, 20 тани дигар захмӣ шуданд.