ДУЗДИ «КОРВОН» ДАСТГИР ШУД

Душанбе, 9 феврал. (АМИТ «Ховар», Анварбек Сиддиқов). — Ба шӯъбаи корҳои дохилии ноҳияи Фирдавсии пойтахт аризаи соҳибкор  Савлатшо Мамадодиев ворид гашт. Номбурда шикоят овардааст, ки  шахси номаълум аз мағозаи шахсиаш, воқеъ дар бозори «Корвон» бо роҳи пинҳонӣ 15-адад костюми чарминро, ки арзиши умумиашон 12150 сомониро ташкил медиҳад, дуздида аз ҷойи ҳодиса ғайб задааст.        Тавре аз маркази матбуоти ВКД-и Ҷумҳурии Тоҷикистон ба АМИТ «Ховар» иттилоъ доданд, дар натиҷаи амалиёти фаврӣ — ҷустуҷӯӣ шаҳрванд Зафарҷон Шамсов, соли таваллудаш 1976, истиқоматкунандаи ноҳияи Рўдакӣ, ки пештар бо моддаи 201 қисми 2 Кодекси ҷиноии Ҷумҳурии Тоҷикистон  суд шудааст, дастгир  шуда, аз ӯ далели шайъӣ гирифта шуд.