ЭРОН ДАР ХАТЛОН КОРХОНАИ БУЗУРГ МЕСОЗАД

Душанбе, 9 феврал.(АМИТ «Ховар», Марзия Саидова). — «Тибқи Созишномаи ба тасвибрасидаи Вазорати энергетика ва саноати Ҷумҳурии Тоҷикистон бо ширкати эронии «Ливон Ковон»  Эрон дар ноҳияи Носири Хусрави Тоҷикистон  корхонаи истеҳсоли семент месозад».  Ин матлабро Алиасғари Шеърдӯст зимни нишасти матбуотӣ, ки ба 32 – юмин солгарди пирӯзии Инқилоби исломӣ дар Эрон бахшида шуда буд,  ба хабарнигорон иттилоъ дод. Дипломати эронӣ афзуд, ки арзиши ин лоиҳа 500 миллион $ — ро ташкил дода, иқтидори истеҳсолии он беш аз 1 миллион тонна семент дар як сол аст.  Ҷониби Эрон тасмим гирифтааст, ки  дар ҷануби Тоҷикистон боз як корхонаи хурди истеҳсоли сементро роҳандозӣ намояд.