ЭРОНИҲО АЗ «САНГТӮДА» БА «АЙНӢ» МЕРАВАНД
Душанбе, 9 феврал.(АМИТ «Ховар», Марзия Саидова).- «Ширкати эронии «Сангоб», ки дар ҷануби Тоҷикистон ба сохтмони НБО «Сангтӯда-2» машғул аст, сайъ дорад ин иншооти муҳими гидроэнергетикиро то ҷашни 20-умин солгарди Истиқлолияти давлатии Ҷумҳурии Тоҷикистон, яъне моҳи сентябри соли 2011 мавриди баҳрабардорӣ қарор диҳад». Дар ин хусус Алиасғари Шеърдӯст Сафири Ҷумҳурии Исломии Эрон дар Ҷумҳурии Тоҷикистон зимни як нишасти матбуотӣ ба хабарнигорон иттилоъ дод. Ба андешаи дипломати эронӣ бо сабабҳои объективӣ кор дар ин иншооти аҳамияти стратегидошта қариб ним сол кашол ёфт, аммо масъулини ширкати «Сангоб» ва мутахассисони он корро ба таври шабонарӯзӣ ба роҳ мондаанд, ки ин имкон медиҳад ҷараёни корҳо дар иншоот вусъати тоза гирад. Инчунин, Эрон тасмим гирифтааст баъди анҷоми корҳои сохтмонӣ дар НБО «Сангтӯда -2» ба сохтмони НБО «Айнӣ» дар дарёи Зарафшон, ки иқтидораш 170 мегават аст, шурӯъ намояд. Аз ин рӯ, тамоми таҷҳизот ва техника аз маҳали «Сангтӯда-2» ба ин минтақа интиқол дода мешаванд, афзуд сафир.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
