«ФАРҲАНГИ МАҲАЛДОРӢ» ВА «КАНЗИ ШИФО» ДАР РӮДАКӢ

Шаҳраки Сомониён, 4 феврал. (АМИТ «Ховар», Ҳотам Рабиев). — Дар ҳудуди ноҳияи Рӯдакӣ корҳои омодагӣ ба ҷашни 20 солагии Истиқлолияти давлатии Ҷумҳурии Тоҷикистон вусъати тоза меёбанд. Аз ҷумла, тибқи амри раиси ноҳия дар байни ҷамоатҳои шаҳраку деҳот ва  маҳаллаҳои ноҳияи Рӯдакӣ озмуни «Фарҳанги маҳалдорӣ» баргузор мегардад. Ҳамчунин бо мақсади сазовор пешвоз гирифтани ҷашни мазкур ва ривоҷу равнақи корҳои ободониву созандагӣ дар байни кормандони муассисаҳои тандурустӣ озмуни «Канзи шифо» гузаронида мешавад.  Ҳайати ҳакамон ва рӯйхати иштирокчиёни озмун омода буда, ширкаткунандагон ба озмунҳои номбурда тайёрии ҳамаҷониба  мебинанд.