ФАСОДРО БОЯД РЕШАКАН НАМУД

Душанбе, 19 феврал. (АМИТ «Ховар», Дилшодаи Ҷонмард). — Кормандони раёсати Агентии назорати давлатӣ ва мубориза бо коррупсияи ҶТ дар Вазорати адлияи ҶТ бо кормандони вазорат вохӯрӣ баргузор намуданд. Дар вохӯрӣ   оид ба ришваситонӣ ва сӯиистифода аз мансаб, ки имрӯз дар ҷомеаи мо ба назар мерасад, андешаронӣ сурат гирифт.            Зикр гардид, ки мақомоти ҳуқуқӣ  барои пешгирӣ ва мубориза бурдан бар зидди ҷиноятҳои сӯйистифода аз мансаб ва ришваситонӣ фаъолона мубориза мебаранд.              Соли 2005 Қонуни Ҷумҳурии Тоҷикистон дар бораи мубориза   бар зидди коррупсия қабул гардида он ба меъёрҳои байналмилалӣ баробар  шуд, ки ин барои пешгирии ҷиноятҳои хосияти коррупсионӣ дошта мусоидат намуд.              Дар вохӯрӣ аз нафароне, ки аз ҷониби кормандони Агентӣ барои  сӯйистифода аз мансаб ва ришваситонӣ дастгир шуданд, ёдовар  шуда, хато будани амалҳои онҳоро шарҳ доданд. Нафароне, ки сӯйтифода аз мансаб  ва ришваситонӣ карда, имрӯз дар паси панҷара қарор доранд, ҳам ба иқтисодиёти давлат ва ҳам барои худашон зарари зиёд оварданд.             Ришваситонӣ, азхудкунии мансаб ин ба пастравии иқтисодиёт ва сатҳи зиндагии мардуми  кишвар оварда мерасонад. Бояд ҳар як нафар барои пешрафти иқтисодиёти кишвар саҳм гузошта Ватанро ҳифз намояд.