ИНТИХОБИ ДАҲ НАФАР ТИРАНДОЗИ БЕҲТАРИН
Душанбе, 19 феврал. (АМИТ «Ховар», Дилшодаи Ҷонмард). — Имрӯз дар клуби Ташкилоти мададгори мудофиаи Ҷумҳурии Тоҷикистон мусобиқаи тирандозӣ баргузор гардид. Мавриди зикр аст, ки аз 14 то 19 феврал байни чор ноҳияи шаҳри Душанбе ин мусобиқа аз рӯи яроқи пневматикӣ гузаронида шуд, ки дар он панҷсад нафар наврасони синфҳои болоӣ иштирок намуданд. Назар ба соли гузашта имсол шумораи иштирокчиён хеле зиёд буд. Ҳамчунин духтарон низ дар ин мусобиқа иштирок намуданд. Мақсад аз баргузор намудани мусобиқа тайёр намудани ҷавонон барои хизмат дар сафи Қувваҳои мусаллаҳи Ҷумҳурии Тоҷикистон мебошад. Бояд гуфт, ки ин мусобиқа ҳар сол бахшида ба рӯзи таъсисёбии Қувваҳои мусаллаҳи Ҷумҳурии Тоҷикистон дар доираи чорабиниҳои варзишӣ гузаронида мешавад. Ташаббускори баргузории ин чорабинӣ кумитаи Ташкилоти мададгори мудофиаи Ҷумҳурии Тоҷикистон буд. 19 феврал дар рӯзи анҷоми мусобиқа аз тарафи доварон ба ғолибони мусобиқа тӯҳфаҳои таъсис намудаи ташаббускорони озмун супорида шуд. Аз миёни панҷсад нафаре, ки дар озмун иштирок намуданд, 10 нафар беҳтаринҳо интихоб ва ба дастаи мунтахаби тирандозони шаҳри Душанбе шомил шуданд.
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
