ИСТЕҲСОЛИ ГӮШТ АФЗУД, НАРХ БОЗ ҲАМ БОЛО РАФТ

   Душанбе, 22 феврал. (МИТ «Ховар», Лаззат Диловарзод). — Бино ба маълумоти Агентии давлатии омори назди Президенти ҶТ то 10 –уми феврали соли 2011 истеҳсоли гӯшту шир дар ҳамаи сохторҳои хоҷагиҳои деҳқонї  (фермерї) — и ҷумҳурї нисбат ба ҳамин давраи соли 2010 6,4 фоиз зиёд шуд.    Тибқи маълумоти ҳамин манбаъ, истеҳсоли гӯшт дар моҳи январ ва даҳ рӯзи моҳи феврали соли ҷорї  ба 7 ҳазору 724 тонна расид.    Истеҳсоли гӯшт дар  хоҷагиҳои вилояти Хатлон ба андозаи 8 фоиз, дар вилояти Суғд 3,1 фоиз, дар ноҳияҳои Роғун 20, Шаҳринав 10,2, Ҳисор 9,7, Рӯдакї 5,2 ва шаҳри  Турсунзода 2,9 фоиз зиёд гардид.    Ҳаҷми истеҳсоли шир  дар ин муддат ба 39 ҳазору 60 тонна расид, ки нисбат ба ҳамин давраи соли 2010 5, 8 фоиз зиёд мебошад.    Бо вуҷуди зиёд   шудани истеҳсоли  гӯшту шир нархи ин маҳсулот боз ҳам боло рафт.Мутахассисон  зиёд шудани  нархи гӯшту ширро аз боло рафтани нархи воридотии  хӯрокии чорво аз хориҷи кишвар медонанд.