КӮМАКИ ТЕХНИКИИ ҶОПОН БА ХОҶАГИҲОИ ДЕҲҚОНИИ ПИЛОТӢ

   Душанбе, 9 феврал. (АМИТ «Ховар», Покиза Маҳмадбекова). – Дар  Душанбе дар доираи амалигардонии лоиҳаи кўмаки техникии Агентии Ҷопон оид ба ҳамкориҳои байналхалқӣ (JICA) «Беҳтар намудани хизматрасонӣ, дониш ва таҷриба дар соҳаи кишоварзӣ тавассути мустаҳкам намудани ташкилотҳои кишоварзӣ дар Тоҷикистон» маросими ба 3 Ассотсиатсияи хоҷагиҳои деҳқонии пилотӣ супоридани як миқдор мошинолоти кишоварзии иловагӣ ба маблағи    зиёда аз 17 ҳазор доллари ИМА баргузор гардид.    Бояд қайд кард, ки лоиҳаи мазкур дар чаҳорчўби ҳамкориҳои дуҷонибаи Ҳукумати Ҷопон ва Ҳукумати Ҷумҳурии Тоҷикистон аз ҷониби Вазорати кишоварзии ҶТ ва Ассотсиатсияи миллии хоҷагиҳои деҳқонӣ (фермерӣ)-и Ҷумхурии Тоҷикистон дар давоми 3 сол амалӣ  мешавад.             Кўмаки навбатии техникӣ асосан барои беҳтар намудани хизматрасонӣ дар соҳаи кишоварзӣ тавассути мустаҳкам намудани ташкилотҳои кишоварзӣ; Ассотсиатсияи миллии хоҷагиҳои деҳқонӣ (фермерӣ)-и Ҷумҳурии Тоҷикистон (АМХДҶТ), Ассотсиатсияи хоҷагиҳои деҳқонии ноҳиявӣ (АХД) пешбинӣ шудааст. Дар доираи лоиҳа 3 Ассотсиатсияи хоҷагиҳои деҳқонии пилотӣ аз ноҳияҳои Рудакӣ, Файзобод ва Данғара ҳамчун ташкилотҳои намунавӣ интихоб гардиданд.