ЛИЖАРОНҲОИ ТОҶИК БА КУРИЁИ ҶАНУБӢ МЕРАВАНД

 Душанбе, 28 феврал. (АМИТ «Ховар», Дилшодаи Хайруллоҳ).-  Аз  27 феврал то 9 марти соли равон дар   кишвари Куриёи ҷанубӣ   Бозиҳои 20 —  уми зимистонаи Осиё доир мегарданд. Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон барои иштирок дар ин мусобиқа дастаи мунтахаби Ҷумҳурии Тоҷикистон оид ба лижарониро  сафарбар намудааст. Тавре аз  бахши иттилоотию таҳлилии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба хабарнигори  АМИТ «Ховар» иттилоъ доданд, ба ҳайати дастаи мазкур Ҷовиди Каромиддин,  Соҳибназари Турсунмурод,  Изатулло Саидов ва роҳбари гурӯҳ Ибод Қурбонов шомиланд.