МАҚСАД — РИВОҶИ БОҒУ ТОКПАРВАРӢ
Душанбе, 9 феврал. (АМИТ «Ховар», Лаззат Диловарзод). — Бо мақсади амалӣ намудани Фармони Президенти Ҷумҳурии Тоҷикистон аз 27 – уми августи соли 2009 «Дар бораи тадбирҳои иловагӣ оид ба рушди соҳаи боғу токпарварӣ дар ҶТ барои солҳои 2010 — 2014» Вазорати кишоварзии ҷумҳурӣ рӯзи 12 – уми феврали соли ҷорӣ дар шафати бозорҳои «Саховат», «Панҷшер» ва «Ганҷина» -и пойтахт ярмаркаи фурӯши ниҳолҳои босамару сояафкан, кӯчати гулҳои ороишӣ ва тухмии зироатҳои гуногунро барпо менамояд. Дар ярмарка зимни фурӯши ниҳолҳо олимони Академияи илмҳои кишоварзӣ, мутахассисони Муассисаи давлатии ҳифзи растанӣ ва химикунонӣ тарзи шинонидан, парвариш намудан ва аз офатҳои табиӣ нигоҳ доштани ниҳол ва гулу буттаҳоро ба харидорон бо тавсияҳои илмӣ мефаҳмонанд. Гузаронидани ин тадбир, ки соли ҷорӣ бо супориши вазири кишоварзӣ сурат мегирад, имкон медиҳад сабзиши ниҳолу гулу буттаҳо беҳтар гардида, садҳо гектар боғу токзори нав бунёд гарданд. Дар назар аст, ки дар маъракаи кабудизоркунии имсола КВДҶ «Ниҳолпарвар» — и Вазорати кишоварзӣ, хоҷагии ниҳолпарварии Академияи илмҳои кишоварзии Тоҷикистон (АИКТ), КВД «Навъҳои тухмии сабзавоти Тоҷикистон» — и Вазорати кишоварзӣ, Муассисаи давлатии «Хоҷагии ҷангал ва шикори ҶТ», Кумитаи ҳифзи муҳити зисти назди Ҳукумати ҶТ ва хоҷагиҳои инфиродии ниҳолпарварии ҷумҳурӣ ширкат варзида, беҳтарин ниҳолҳои хушсифатро, ки меваҳои бозоргирро ба бор меоранд, ба фурӯш мебароранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






