МАРҲИЛАИ ДУЮМИ ТАТБИҚИ ЛОИҲА
Душанбе, 9 феврал. (АМИТ «Ховар», Марзия Саидова).-Cамтҳои Консепсияи нави рушди минбаъдаи системаи обтаъминкунии пойтахт ва марҳилаи дуюми татбиқи он зимни мулоқоти Раиси шаҳри Душанбе Маҳмадсаид Убайдуллоев бо Кяра Бронкӣ- намояндаи доимии Бонки Ҷаҳонӣ дар Тоҷикистон баррасӣ гардид. Мавриди зикр аст, ки навбати дуюми татбиқи лоиҳа дар тӯли 5 сол азхудкунии 12 миллион $ гранти бебозгашти Бонки Ҷаҳонӣ ва 3 миллион $ маблағгузории мақомоти иҷроияи ҳокимияти давлатии шаҳри Душанберо дар бар гирифта, хизматрасонии қарзии вазорати молияро дар ин самт ихтисор менамояд, Раиси шаҳр иброз дошт, ки ҳамкориҳои минбаъда, ки баҳри ташкили фаъолияти самараноки КВД «Обу корези Душанбе» бо насби ҳисобкунакҳои обӣ барои кам кардани талафот ва сарфаи оби истеҳсолшуда ба муштариён нигаронида шудааст, натиҷаҳои нек хоҳад дод ва шаҳрдорӣ омодааст тибқи муқаррароти мавҷуда ӯҳдадориҳояшро оид ба ҳамшарикӣ дар маблағгузории лоиҳа иҷро намояд. Шавкат Саидов, котиби матбуотии Раиси шаҳри Душанбе ба АМИТ «Ховар» иттилоъ дод, ки дар мулоқот мусоҳибон ба хулоса омаданд, ки гурӯҳҳои кории ҷонибҳо дар кӯтоҳтарин муддат санадҳои дахлдорро барои ба тасвиб расонидан таҳияву пешниҳод созанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






