МАРГИ 4 НАФАР БАР АСАРИ САДАМАИ НАҚЛИЁТӢ
Душанбе, 14 феврал. (АМИТ «Ховар», Анварбек Сиддиқов).- Дар муддати се рӯзи сипаришуда дар шимоли кишвар 4 садамаи нақлиётӣ ба вуқӯъ пайваст. Бар асари ин садамаҳо 4 нафар шаҳрванд ба ҳалокат расида, 4 нафари дигар ҷароҳатҳои гуногун бардоштанд. Дар ин бора аз раёсати Бозрасии давлатии автомобилии ВКД-и ҷумҳурӣ ба АМИТ «Ховар» иттилоъ доданд. Ронандаи автомашинаи тамғаи «Lexus» ҳангоми ҳаракат дар шоҳроҳи Исфара-Конибом аз ӯҳдаи идораи нақлиёт набаромада ба автомашинаи тамғаи «Opel» бархӯрд. Дар натиҷаи ин ҳодиса ронандаи автомашинаи «Opel» ва се мусофири дар автомашина буда дар ҷои ҳодиса ба ҳалокат расиданд ва ронандаи автомашинаи «Lexus» ҷароҳати вазнини ҷисмонӣ бардошта дар беморхона бистарӣ гардид. Хотиррасон менамоем, ки аз аввали соли ҷорӣ дар ҷумҳурӣ 148 садамаи нақлиётӣ ба қайд гирифта шуд, ки дар натиҷаи он 58 нафар шаҳрванд ба ҳалокат расида, 175 нафари дигар ҷароҳати ҷисмонӣ бардоштанд. Бояд зикр намуд, ки 70 фоизи садамаҳои ба вуқӯъ пайваста бо айби ронандагон ба амал омадаанд, зеро онҳо қоидаҳои бехатарии роҳро дуруст риоя намекунанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






