МАСОҲАТИ БОҒҲО МЕАФЗОЯД

Шаҳраки Сомониён, 7 феврал. (АМИТ «Ховар», Ҳотам Рабиев). — Баҳри иҷрои Фармони Президенти Ҷумҳурии Тоҷикистон «Дар бораи тадбирҳои иловагӣ доир ба рушди соҳаи боғу токпарварӣ барои солҳои 2010-2014»  роҳбарони ноҳияи Рӯдакӣ тадбирҳои мушаххас меандешанд. Аз ҷумла, дар талу теппаҳои шафати шоҳроҳи Душанбе-Ваҳдат 109 гектар боғ ва 12 гектар токзор, дар шафати шоҳроҳи Душанбе-Курғонтеппа 47 гектар боғ бунёд  шуда, қад-қади роҳ дарахтони ҳамешасабзи арча ва сафедори калифорниягӣ шинонида шуд. Дар назди шоҳроҳи Душанбе-Турсунзода 31 гектар боғ бунёд гардид.       Алҳол бо мақсади афзун намудани масоҳати боғу токзор дар хоҷагии деҳқонии «Баракати Қурбон» 229,5 ҳазор, дар хоҷагии «Ҳисор» 35 ҳазор ва дар заминҳои наздиҳавлигӣ 68,2 ҳазор бех ниҳоли дарахтони мевадиҳанда ва сояафкан парвариш меёбад.