МЕЪМОРИ «БЕҲТАРИН СОМОНАИ НАВРӮЗ» КИСТ?

Февраль 17, 2011 11:42

     Душанбе, 17 феврал.(АМИТ «Ховар», Марзия Саидова).-Дар Тоҷикистон озмун таҳти унвони «Беҳтарин cомонаи Наврӯз» гузаронида мешавад. Озмуни мазкур бо ибтикори Вазорати маорифи ҷумҳурӣ, Ассотсиатсияи дастраскунандагони Интернет, Фондҳои ҷамъиятии Интернет ва «Ташаббуси шаҳрвандии сиёсати Интернет» аз 15 феврал то 15 март гузаронида мешавад.  Ноилшо Нуралиев сухангӯи Вазири маорифи ҷумҳурӣ ба хабарнигори АМИТ «Ховар» иттилоъ дод, ки ҳадафи озмун таҳияи сомонаҳои Интернет бахшида ба ҷашни Наврўз ҷиҳати рушди анъанаҳои миллӣ, баланд бардоштани завқи хонандагон ва донишҷӯён вобаста ба татбиқи технологияҳои иттилоотӣ дар муассисаҳои таълимӣ, истифодаи шабакаи Интернет ҷиҳати рушди таҳсилот, ташвиқоти сомонаҳои беҳтарин ҳамчун муҳити фаъоли омӯзиш ва эҷодкорӣ мебошад.  Ноилшо Нуралиев афзуд, ки дар озмун хонандагон, донишҷӯёни муассисаҳои таълимӣ, шаҳрвандони Ҷумҳурии Тоҷикистон новобаста аз ҷои зист иштирок карда метавонанд.  Ғолибони озмунро кумитаи тадорукот ва сарпарастон — ҶДММ «Вавилон-Т», ҶСП «Tcell» бо мукофоти арзишманд сарфароз мегардонанд.  Хоҳишмандоне, ки дар озмун ширкат варзиданианд метавонанд ба суроғаи шаҳри Душанбе, кӯчаи Нисормуҳаммад 13 а, Маркази ҷумҳуриявии технологияи информатсия ва коммуникатсия бо телефонҳои 221-33-63 ё почтаи электронии Office@ cipi.tj муроҷиат намоянд.

Февраль 17, 2011 11:42

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд