МУАЛЛИМОНУ ДОНИШҶӮЁНИ БЕҲТАРИН КИҲОЯНД?

   Душанбе, 14 феврал. (АМИТ «Ховар», Дилшодаи Ҷонмард).- Дар Вазорати фарҳанги Ҷумҳурии Тоҷикистон озмунҳои « Муаллими беҳтарини сол» ва «Донишҷӯи беҳтарини сол» дар соли 2010 ҷамъбаст гардид. Озмунҳои мазкур дар асоси қарори ҷаласаи ҳайати мушовараи Вазорати фарҳанги Ҷумҳурии Тоҷикистон аз 24.11.2006,№8.9 бо мақсади баланд бардоштани сифати таълиму тарбия ва дарёфти истеъдодҳои касбӣ аз ҷониби шӯъбаи илм ва муассисаҳои таълимӣ амалӣ гардид.   Ғолибони озмуни «Муаллими беҳтарини сол» Латипов Хайруллоҳ Фозилович – профессори кафедраи овозхони академӣ ва дирижёри хори Консерваторияи миллии Тоҷикистон ба номи Т. Сатторов, Валиев Искандар Даминович- мудири шӯъбаи созҳои зарбӣ-нафасии Коллеҷи санъати ба номи А. Бобоқулов, Ганҷибой Ғуломҳайдаров — мудири шӯъбаи созҳои миллии мактаб-интернати миёнаи махсуси санъати ҷумҳуриявии ба номи М.Атоев дониста шуданд.  Ғолибони озмуни «Донишҷӯи беҳтарини сол» Бобоева Умеда-донишҷӯи созҳои миллии Консерваторияи миллии Тоҷикистон ба номи Т.Сатторов, Зарафшон Каҳҳорӣ- донишҷӯи шӯъбаи рассомии Коллеҷи санъати ба номи К. Қурбонов, Алиева Шарифамоҳ Шамсиддиновна – донишҷӯи шӯъбаи коргардони сабти овози Коллеҷи санъати ба номи А.Бобоқулов гардиданд.    Ба ғолибон Вазири фарҳанги Ҷумҳурии Тоҷикистон Мирзошоҳрух Асрорӣ диплом ва мукофотпулӣ супорид.