МУСОДИРАИ БАНГДОНА

Душанбе, 9 феврал. (АМИТ «Ховар», Анварбек Сиддиқов). — Кормандони мақомоти ҳифзи ҳуқуқи кишвар дар натиҷаи гузаронидани як амалиёт  шаҳрвандон  Шаҳбози Зайдзода (соли таваллудаш 1990), муваққатан бекор ва Раҳимҷон Сулаймонов ( соли таваллудаш 1981), истиқоматкунандаи шаҳри Душанберо дастгир карданд.  Ҳангоми кофтуков аз борхалтаи ин нафарон  маводи нашъадори бангдона ба миқдори 2 килограмму  4 грамм дарёфт ва мусодира  гардид. Тавре аз маркази матбуоти ВКД-и Ҷумҳурии Тоҷикистон ба хабарнигори АМИТ «Ховар» иттилоъ доданд, муайян  шуд, ки номбаршудагон маводи нашъадорро аз истиқоматкунандаи ноҳияи Ҷалолиддини Румӣ  Салимҷон Қайюмов, ки пештар бо моддаи 334-и  Кодекси Ҷиноии Ҷумҳурии Тоҷикистон суд шудааст, бо мақсади фурӯхтан гирифтаанд.